Posted by: mustaf2 | يوليو 2, 2011

زجل بمناسبة أوضاع المعبر

زجل بمناسبة أوضاع المعبر / شعر كوثر النيرب
1/7/2011

طاق طاق طاقية
تعيش الوحدة العربية
قلنا انفتح شباك
ومنه الهوا يمكن نشمه
قلنا عهد جديد
يمكن حالنا يهمه
تسكر الشباك
وبدله صارت طاقه
لا بدخل هوا
ولا بتعين عفاقة
حمل جارنا قلبه التعبان
وقلك فرجت يا حمدان
طاق طاق طاقية
تعيش الوحدة العربية
قلنا يمكن انبطل
نشرب كولا بتراب
ولا يمكن فجاة نلاقي أحباب
طاق طاق طاقية
تعيش الوحدة العربية
قلنا ياله يا ولاد
السنة حنشوف الدنيا
ونزور ام الدنيا
اتاري ام الدنيا
لكل الدنيا الا احنا
ما احنا برة الدنيا
وسكر الحارس بالمتراس
واصبحنا بشروطه نحتاس
طاق طاق طاقية
تعيش الوحدة العربية
شكله الربيع تعثر بالطريق
ولاقته رياح مسعورة
وقالتله
وين رايح
انت شايف
بمراية مسحورة
طاق طاق طاقية
تعيش الوحدة العربية
يارب يا حمدان
تبطل عيان
عشان انت محسود يا غلبان
ولو انه
تطلع روحك لما تروح
لكنك بتروح
ياريت تقدر بالسر تبوح
وتقلهم حكايتنا
قلهم بنغمس بتراب
وندوس بالضباب
ولا انه انضلنا ندقدق عالباب
يمكن نلاقي جواب
ويمكن يطردنا البواب
طاق طاق طاقية
تعيش الوحدة العربية

Advertisements

Responses

  1. وطاق طاق طاقية، بيقولوا فرجت، وباين عليها بتزيد

    كتير حلوة 🙂


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

التصنيفات

%d مدونون معجبون بهذه: